Тыва Республиканың күш-ажыл болгаш социал политика сайыды Эдуард Сандан мобилизацияже кыйгырткан хамаатыларның өг-бүлелеринге көрдүнген деткимче хемчеглериниң дугайында дыңнаткан.
Ооң чугаалап турары-биле алырга, бирээзи-ле 48 кг аъш-чем аймаан 500 өг-бүлеге чыггаш, алыр ужурлуг өг-бүлелерге үлеп бээри-биле кожууннарже чоруткан. Ажылдың 90 хуузу күүсеттинген. Артыын улаштыр чедир садарын планнап турар.
Оон аңгыда, мобилизацияже кыйгырткан хамаатыларның 0-тен 17 хар чедир уругларынга кижи бүрүзүнге 5 муң рубль материалдыг дузаны бээр.
Ук дузаны алыры-биле, уругларның авазы билдириишкин бижээш, чогуур документилериниң хоолгаларын чурттап турар кожуунунуң социал албан черлеринче дужааптарга, Тываның Күш-ажыл яамызынче чорудуптарга, төлеп бээр.
Тываның күш-ажыл сайыды-биле «Тува-24» телеканалдың интервьюзундан
Мобилизацияже кыйгыртканнарның өг-бүлелеринге дуза.
3 октября 2022
37