Найысылал Кызылдың Кечил-оол – Калинин – Островский – Лопсанчап кудумчуларының кызыгаарлааны девискээринге «Мөңгүн» деп чаа микрорайоннуң тудуу удавас эгелээр.
Ынчангаш ук девискээрни канчалдыр тудуп-хевирлээрин чижеглей планнап каан төлевилелди хөй-ниитиниң, чоннуң киржилгези-биле сайгарып чугаалажыр ажылды чорудар дээнин Кызыл хоорайның мэриязы дыңнаткан. Март 3-тен апрель 4-ке чедир ук төлевилелди сайгарар, санал-онал киирер ажыл чоруттунар, а ук чаа районнуң төлевилелиниң делгелгези база өске-даа тайылбыр материалдар-биле Кызыл хоорайның мэриязының албан-езу сайтызынга таныжып көрүп болур: http://www.mkyzyl.ru/.