О-Шынаадан когараан 10 харлыг оолдуң өг-бүлези эмненири-биле Москваже ужупканын ТР-ниң Чазак Даргазының социал политика талазы-биле оралакчызы Орлан Сарыглар дыңнаткан.
«Бо эртен авашкылар Москваже ужуп үнүпкеннер. Өг-бүлениң Москваже оруунуң чарыгдалын Тываның Кадык камгалал яамызы хандырган. Республиканың удуртукчузунуң даалгазы-биле оларны аэропортка Тываның бүрүн эргелиг төлээ чериниң ажылдакчылары уткуп алгаш, эмненир черинче үдеп чедирер. Бөгүнден эгелеп эмчилер авашкыларны хүлээп эгелээр» — деп, Орлан Сарыглар чугаалаан.
Оолдуң төрээн кижилери эмнээшкин үезинде Тываның төлээ черинге дугуржулга езугаар чурттаар.
«Байдалды контрольга алдывыс. Оолду эмнээр эмчилер-биле шинчилгезиниң дугайында үргүлчү долгажып, харылзажып турар кылдыр дугуржуп алдывыс» – деп, О. Сарыглар түңнеп чугаалаан.
/ Бистиң корр.
"Шын" 2023 чылдың апрель 5 №24
#Шынсолун #Тыва #ТываныңЧазаа #СоциалПолитика #О_Шынаа
Москваже ужупкан
5 апреля 2023
54