Чылдың-на май төнчүзүнден июнь ортанга чедир “Туран” сыын ажыл-агыйынга мыйыс кезилдези чоруп турар. Бо чылын сыыннар кышты эки ажып, элээн күш киргенин демдеглезе чогуур.
Бөгүнде мыйыстарын кезер кылдыр 40 баш сыынны шилип алган. Ажыл-агыйның 600 ажыг баш сыыннарның 218-иниң мыйызын алыр.
Бир баш сыын ортумаа-биле 6–7 кил мыйысты бээр. Ону тускай болбаазыраткаш, эм шынарлыг янзы-бүрү кылыгларны бүдүрүп турар.
2024 чылда “Туран” сыын ажыл-агый кызыгаарлаттынган харыысалгалыг ниитилел төрүүр мал бажынга дээш ниитизи-биле 700 муң рубльдиң субсидиязын алганын сагындыраал.
«Шын» №41 2024 чылдың июнь 5
