Наадымга

Ажыг дери хилис барбаан
Арат, фермер, тараажыныӊ
Ажыл-ижин санап, түӊнээр
Ачылыг-ла Наадымны.

Эъдин-сүдүн, өремезин,
Ээжегей, курут, чөкпээн
Делгүүрлерде чыып салган,
Дендии чаагай, чиксенчиг-ле!

Солчуп эртер үелерниӊ
Соогун, изиин шыдап чоруур.
Көдээ ажыл ишчилери
Хөй-ле болуп өктерезин.

Хүлээнгени күштүг болгаш,
Күүседир дээш, дыш-даа билбес
Хүндүткелдиг малчын кижи
Күрүнениӊ маадыры-дыр.

Бай-шыырак аккыр өглер,
Байырлалдыӊ каасталгазы.
Найыралдың өңгүр чечээ
Наадымныӊ аалчылары.

Нина СЕРЕНОТ.
Кызыл хоорай.

"Шын" №60, 2023 чылдың август 12