Дүүн, сентябрь 30-де, Кызыл хоорайның Төлээлекчилер хуралының алдыгы чыыжының бирги организастыг сессиязының хуралы болуп эрткен.
Организастыг сессия хуралынга Тываның найысылалының Баштыңы – Кызыл хоорайның Төлээлекчилер хуралының даргазын соңгаан. Хоорай депутаттары ажык бадылаашкынның түңнелинде Кызыл хоорайның Баштыңы кылдыр Ирина Казанцеваны, а ооң оралакчызы кылдыр Аяс Лопсанны соңгааннар.
Кызыл хоорайның чагырыкчызы Карим Сагаан-оолдуң найысылалдың мэри албан-дужаалга ажылдаар кылдыр чарган керээзиниң хуусаазының доозулганы-биле, ук албан-дужаалды түр үеде күүседир кылдыр Александр Черноусовту томуйлаан.
Тываның найысылалы Кызыл хоорайның мэри албан-дужаалды ээлээри-биле мөөрей октябрь 21-де болуп эртер. Ооң түңнелдери-биле хоорай депутаттары Кызыл хоорайның чагырга даргазын шилип соңгуур.
Найысылал депутаттары бир дугаар хуралын эрттирген.
1 октября 2022
54