Кызыл хоорайның төвүнге бо чылдың ноябрь 24-ке чедир шимчеп чоруур маммограф ажылдап турар дээрзин регионалдыг Хөй-ниитиниң кадыкшылга төвү дыңнадып турар. Ол Маммограф Төп рынок болгаш «Гаруда» садыг төвүнүң чанынга 10.00 шактан 15.00 шакка чедир ажылдаар, 12.00 шактан 13.00 шакка чедир дүштээр.
Бо шактарда херээжен чон эмиг аарыгларынга халас шинчилгени эртип ап болур.
Маммографияны эртерде, ай демдээниң 5-тен 10 хонуунга чедир, сөөлгү хуусаазы 12 дугаар хүнүнге чедир эртип алыры эргежок чугула. Ол үеде херээжен кижиниң гормоналдыг байдалы турум болур.
Бодунга паспорт, СНИЛС болгаш эмчи полизи албан турар.
Бистиң корр.
«Шын» №89 2023 чылдың ноябрь 22