Хөй таварылгада оларда ындыг дааш үндүрер тускай органнар безин чок. Насекомнуң ужугуп турда, шиилээр даажы секундада элээн каш чүс катап чалгыннарын чаярындан үнүп турар.
Чалгынчыгаштары — чайганып турар пластиналар-дыр. Дүрген-дүрген чайганып турар пластина тускай дааш үндүрерин билир бис.
Чижээлээрге, эртемденнерниң тодаратканы-биле алырга, сээк чалгыннарын секундада 352 катап далбаңнадыр, дүктүг-ары — 220, ары — 440, ымыраа — 550. А самолеттуң хүртүзү-биле деңнээр болза, ол секундада ортумаа-биле 25 хире долганып турар.
“Шын” № 86 2023 чылдың ноябрь 11
