Бөгүн Тываның Баштыңы Владислав Ховалыг Тожу кожууннуң Тоора-Хем суурунга уругларның уран чүүл школазын көөрү-биле барып четкен. Бо чылдың февраль айда “Культура” национал төлевилел-биле кылдынган капитал септелге соонда, Тоора-Хемниң Уругларның уран чүүл школазының ажыдыышкыны болган. Владислав Ховалыг ынчан уран чүүл школазының ажыдыышкынынга УАЗ-452 маркалыг чаа автомобильди белекке берген турган.
Национал төлевилелдер суурларда чурттакчы чоннуң амыдыралын эки талаже өскертип турары өөрүнчүг дээрзин Тыва Республиканың Культура болгаш туризм яамызы демдеглеп турар.
Чуруктарны ТР-ниң Культура болгаш туризм яамызындан алган.
