Республикада эжиндириишкинниң сезону албан ёзузу-биле эгелээн, баш бурунгааргы медээ-биле алырга, ол октябрь айның 15-ке чедир уламчылаар дээрзин Тываның Баштыңы Владислав Ховалыг дыңнаткан.
Ооң чугаазы-биле республиканың биче хемелер парыгы 2,6 муң ажыг хеме четкен, ооң иштинде мотор-биле ажылдаар хемелер база. Оон аңгыда, Владислав Ховалыг сезоннуң ажыдыышкыны-биле холбаштыр кежиглер база ажылдап эгелээр дээрзин дыңнаткан.
«Тодаргай хүн-хуусааны тус черлерниң чагыргаларының шиитпирлери-биле аайлаар. Сугга озал-ондакты болдурбазы чугула. Харыысалгалыг шалыпкын албаннарга эрик кыдыының девискээриниң таңныылдаашкынын организастаарын диледим” — деп, Тываның Баштыңы медеглээн.
ТР-ниң Чазааның медээлеринден.
Чурукту интернеттен алган
“Шын” №36 2024 чылдың май 18
![](https://sun4-20.userapi.com/impg/oayY-oqvmnYNykxLv7yyNQ0cZdYtX3_ogcTyGQ/P6x-IPMolLQ.jpg?size=807x538&quality=95&sign=d9209cdef9cc033ef30712c14958e861&c_uniq_tag=gvS663-KbnFciblg5SW5k5RuiY7RhjfkXXGmrjSFr4Q&type=album)
![](https://sun4-18.userapi.com/impg/YEYgykV93c-zcm_so-q92xf1JQAcwrd4QKNKng/f7uug5OMVuI.jpg?size=977x568&quality=95&sign=9865ee1a284682377123d6fd90a86c40&c_uniq_tag=fr6xi75YymiE3F4SVx9c0o-3oe0fntpel5RsnPKuGWo&type=album)