Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Үндүрүглерден чиигелделер

28 октября 2022
1

Мобилизастаттынган хамаатыларга үндүрүглер талазы-биле бүгү-ле деткимче хемчеглериниң дугайында

Россияның Федералдыг үндүрүглер албанының сайтызында тускай кезекте (промостраница) (https://www.nalog.gov.ru/rn17/mobilization/) мобилизастаттынган хамаатыларга үндүрүглер төлээринге болгаш отчеттар дужаарынга кандыг чиигелделер бар болуп турарын тодаргайы-биле тайылбырлап бижээн.

Чижээ, үндүрүглер, чыылдалар, камгаладылга төлевирлер боттандырарының, отчет дужаар болгаш дыңнадыглар киирериниң хуусааларын ук хамаатыларга соңгаарлаткан болуп турар. Оон аңгыда оларга хамаарыштыр хыналда-контроль хемчеглерин чорудары хоруттунган. Российжи валюта хоойлужудулгазын сагып турарын хынаар ажылдарны түр үеде соксаткан, Россиядан дашкаар саң-хөө рыногунда организацияларда агар саннарда (акша шыгжамырларда) акша-хөреңгиниң болгаш өске-даа саң-хөө активтериниң шимчээшкиннери болгаш шилчилгелериниң (ооң иштинде банкыга агар сан ажытпайн, төлевир чорударының электроннуг аргаларын ажыглаанының) дугайында отчеттар дужаарының хуусааларын, шак ындыг банкыларга агар саннар (акша шыгжамырлар) ажытканының (дуглаанының) база оларның реквизиттериниң өскерилгениниң дугайында дыңнадыглар киирериниң хуусааларын соңгаарлаткан. Шак бо бүгү хемчеглер мобилизастаттынган хамаатының шериг албанын күүседип турар үезиниң дургузунда болгаш шериг албан-хүлээлгезин доосканының соонда 3 ай эрткижеге чедир күштүг болур.

Эптиг болуру-биле, үндүрүглер талазы-биле деткимче хемчеглерин бөлүктерге чарган. Бөлүк бүрүзүнде деткимче хемчээниң адын бижип каан кезектер бар, ында бүгү херек медээлерни эң-не эптиг болур кылдыр бижээн: деткимче хемчээниң дугайында каксы бижээш, кымга ук хемчеглер хамааржып турарын база кайы хире хуусаа дургузунда күштүг болурун тайылбырлап каан.

Бир эвес ол бүгү медээлер-биле танышканының соонда айтырыглар тургустунуп келир болза, Россияның Федералдыг үндүрүглер албанынче тускай ачы-дуза чедирер кезек дамчыштыр (https://www.nalog.gov.ru/rn77/service/obr_fts/other_mob/) электроннуг арга-биле азы харылзаа тудар төптүң телефонун дамчыштыр айтырыгны салып болур арга тургустунган.

Шак бо тускай кезек азы промоарын (https://www.nalog.gov.ru/rn17/mobilization/) чаа-чаа доктаал-саавырлар үнерге-ле, чаарттынып, неметтинип турар болур.

И. Санчат