Оперативтиг штабтың ээлчеглиг хуралынга ТР-ниң Баштыңының оралакчызы Елена Хардикова долу эвес мобилизацияга таварышкан хамаатыларның өг-бүлезинге кыжын одаар ыяш-биле дуза кадарын дүргедедирин сагындырган. Мобилизацияга таварышкан өг-бүлелерниң 136-зы одаар ыяшты хереглеп турар.
Улуг-Хем кожуун чагыргазының дамчытканы-биле алырга, ук кожуундан 80 ажыг хамаатыны шериг комиссариадынче келдирткен. Оларның хөй кезии от салыр,чер бажыңнарда чурттап турар. Мобилизацияга таварышкаш чорупкан хамаатыларның өг-бүлелеринге тус черниң ыяш ажыл-агыйлыг сайгарлыкчылары дуза кадар күзелин илереткен. Элээн каш өг-бүлелерге бо шакка чедир чедирип берип четтигипкен. Ынчалза-даа курлавырга турган чудуктар төне бээр, а даштын соок хүнден хүнче дыңзып орарын утпаза эки. Арга-арыгдан ыяштаарының чөпшээрел бижиктери болу бээрге-ле, дем-биле ыяштаар бригадалар суурларда тургустунган.
Одаар ыяш айтырыы.
1 октября 2022
38