2022 чылдың ийиги чартыында солун-сеткүүл чагыдылгазының кампаниязы июнь 20-де доозулган. Республиканың «Шын» болгаш «Тувинская правда» ниитилел-политиктиг солуннарының доктаамал чагыдыкчылары ам база шуптузу чагыдылганы кылдырып алганнар.
Оларга чаа чагыдып алыкчылар база немешкен. Ол дээрге «Тывамедиабөлүктүң» чыл санында эрттирип турар ойнаашкыннарының ачызында, чижээлээрге «Шын» болгаш «Тувинская правда» солуннарны чагыдып алгаш, «Доңурар камера» ойнаашкынынга кириш» деп акцияның ачызында чагыдып алыкчылар саны немежип турар.
Бо чылын акцияны апрель 4-тен июнь 20-ге чедир эрттирген. Шупту 198 кижи ол акцияга киришкен. Олар солуннар чагыдып алган квитанцияларын үш аңгы аргалар-биле чоруткан:
1. 8-923-267-07-49 телефонче вайбер таварыштыр.
2. tuvamedia@bk.ru электроннуг почтаже.
3. «Тывамедиабөлүк» информастыг агентилелдиң реклама килдизинге келгеш.
Бо удаада 16 шаңналды тиилекчилерге тыпсыр.
Ойнаашкынның кол шаңналы – «Доңурар камера». Ол ышкаш «Сеткилимниң ханызындан» хөгжүмнүг байыр дамчыдылгазынга 10 сертификат болгаш «Рыба love» фишбарның 5 сертификады ээлерин манап турар.
Ойнаашкынны июнь 30-де 15.00 шакта «Тува24» телеканалдың социал четкиде арынынга «дорт эфир» дамчыштыр эрттирген. Шаңнал алыкчыларын таварылга болган сан генератору тодараткан.
2-18-10, 8-923-267-07-49 дугаарлыг телефоннарже долгааш, ойнап алган шаңналының дугайында билип ап болурун сагындырып тур бис.
Ол ышкаш акция дугайында медээни бо адресче келгеш, билип ап болур: Кызыл хоорай, Красноармейская кудумчузу, бажың 100, 3 каът, 309 дугаарлыг кабинет. Телефоннар дугаарлары: 2-18-10, сот. 8-923-267-07-49.
Ойнаашкынның тиилекчилери илерээн:
«Рыба love» фишбарның 5 сертификаттарын Айлаң Алдын-ооловна Шожунчап (№30), Марина Айлар-ооловна Сагды (№17), Марта Михайловна Орлова (№141), Оксана Эрес-ооловна Ондар (№168), Елизавета Хунажыковна Монгуш (№153) олар ойнадып алган.
«Сеткилимниң ханызындан» хөгжүмнүг байыр дамчыдылгазының сертификаттары Алена Борисовна Сарыгларга (№61), Саяна Кежиковна Натпит-оолга (№16), Уран Хунаевна Ооржакка (№160), Климаа Ондаровна Хомушкуга (№60), Тиизеймаа Элестеевна Оюнга (№80), Эмма Канаратовна Монгушка (№137), Шеңне Шолбановна Хертекке (№31), Оксана Эрес-ооловна Ондарга (№168), Урана Сугдер-ооловна Ойнаровага (№102), Лидия Ивановна Сасинага (№69) дүшкен.
Ойнаашкынның кол шаңналы – доңурар камераны 68 дугаар сан дүшкен Станислав Александрович Оюн алыр аас-кежиктиг болган.