Ол дугайында Тываның Баштыңы Владислав Ховалыг дыңнатпышаан, республиканың чурттакчы чонун оруктарга айыыл чок чорук дүрүмнерин сагыырынче кыйгырган. Орук ажыл-агыйлыг албан черлери федералдыг болгаш регионалдыг автооруктарда чынныр 12 черни ажылдаткан. Ында онза байдалдарга таварышкан чолаачыларга база үрелген автомашиналарга бирги дузаны көргүзер байдалдарны тургускан.
Тываның Орук-транспорт яамызы чынныр пунктуларның дараазында даңзызын чонга таныштырып турар:
Р-257 федералдыг орукта чынныр черлер:
- Черная речка суурда (555+000 км)
- Буйба арт кырында («Полка») (614+000 км);
- Арадан суурда (654+000 км);
- Туран хоорайда (729+950 км);
- Кызыл хоорайда (803+000 км);
- Шагаан-Арыг хоорайда (913+000 км);
- Чадаана хоорайда (1026+700 км);
- «Хандагайты» арт кырында(1078 км).
Транспорт яамызының дыңнадып турары-биле алырга, соок күштелир болза, Р-257 федералдыг автооруктуң участоктарынга үш шак болгаш-ла немелде патрульдаашкынны чорудар.
Патруль машиналарын ГЛОНАСС азы ГЛОНАСС/GРS спутниктиг навигация системалары-биле чепсеглээн болгаш чаңгыс аай автоматчыткан навигация диспетчер башкарылга системазында кошкан, рациялар болгаш видеорегистраторлар-биле дериттинген.
Патруль машиналарын чылыг, дүктүг чоорганнар, кидис идиктер, бирги эмчи дузазының аптечказы, изиг шайлыг термос, орукка онза байдалдарда дузалаар тускай херекселдер: быжыг хендир, хүүрек, фонарь, немелде одаар чүүл-биле хандырып четчелээн.
Регионалдыг оруктарда үш чынныр чер ажылдап турар:
- участок начальниги Е.Г. Семеновтуң удуртканы «Абаза ОТСУ» КХН организациязының хандырылгазында «Абакан – Ак-Довурак» автооруунуң 316-гы километринде “Сотый” арт кырында, тел: 8-983-376-5055;
- участок начальниги М.В. Саттың удуртканы «Өвүрнүң ОТСУ» КХН организациязының хандырылгазында «Хандагайты – Ак-Чыраа» автооруунуң 58-ки километринде «Тээли» арт кырында, тел: 8-983-593-3198;
- В.Л. Юрковтуң хуу бүдүрүлгезиниң хандырылгазында «Бояровка – Тоора-Хем» автооруунуң 102-ги километринде «Мюн» арт кырында, тел: 8-929-315-5688.
- В.Л. Юрковтуң хуу бүдүрүлгезиниң хандырылгазында «Бүрен-Аксы – Элегес-Аксы – Кунгуртуг» доктаамынга Урал автомашинага чынныр пунктуну ажыдары планнаттынган, тел: 8-929-315-5688.
Федералдыг болгаш регионалдыг оруктарга онза байдалдар тургустунза, дараазында диспетчер албаннарының телефоннарынче долгап болурун республиканың Орук-транспорт яамызы сагындырган:
- регионалдыг оруктар («Тываавтодор» ККА) — 8(394-22) 21108, 8-929-358-0911,
- федералдыг оруктар («Упрдор Енисей» ФКА) — 8 (391) 265-01-12, +79632521160.
Камгалал албанының чаңгыс дугаары — 112 деп кыска дугаарже долгаар.
ТР-ниң Чазааның парлалга албаны.