Тываның Баштыңы В. Ховалыг 2022 чылдың Айыткалында айыттынган сорулгалар чадалар аайы-биле шиитпирлеттинип турарын дыңнаткан.
- Хүндүлүг депутаттар! Бо чылдың нарын байдалдары турзажок, мээң 2022 чылдың Айыткалымда айыттынган сорулгалар чадалар аайы-биле шиитпирлеттинип турар. Оларны боттандырары-биле Тываның Чазаа тускай доктаалды хүлээп алган. 147 хемчегни боттандырары ол документиде көрдүнген, оларның хөй кезии бөгүнге чедир күүсеттинген.
Бии-Хемни кежир көвүрүгнү ажыглалга киирген, Тожу-биле транспорт харылзаазы үзүктел чок болган. Кара-Хаак, Хову-Аксы, Сарыг-Сеп суурларже оруктарда нарын участоктарның септелгезин чоруткан. Кожууннар аразында Самагалдай – Ак-Чыраа – Хандагайты – Мугур-Аксы – Кызыл-Хая автомобиль оруктарында септелге ажылдары эгелээн. Бо оруктарга септелге ажылдарын беш чыл үе дургузунда чадалар аайы-биле чорудар.
Оруктарга септелге ажылдарын 5 чыл дургузунда чорудар
16 декабря 2022
72