ТР-ниң Чазааның Даргазының иштики политика талазы-биле оралакчызы Артына Бузур-оол:
– 2025 чылда бюджетти болгаш экономиканы өстүрер дугайында ажылдарны кылып чоруткан. Бир улуг адыр дээрге тускай шериг операциязының киржикчилеринге болгаш оларның өг-бүлелеринге социал угланыышкын талазы-биле улуг ажыл кылдынган. Ол угланыышкын-биле алыр болза, 570 ажы-төлге чайгы дыштанылганы организастаан-дыр. 278 өг-бүле социал керээ таварыштыр күрүнениң дузаламчызын алган.
Кадык камгалалының талазы-биле алырга, 2025 чылда аңгы-аңгы сумуларда 10 фельдшер пунктулары туттунган. 48 автомашина садып алдынган. А өөредилге талазы-биле алырга, 6 чаа школа туттунган, капиталдыг септелге 7 школага кылдынган. Ниитизи-биле отчётту кончуг бедик деңнелде деп үнелеп тур мен. 2025 чылга хамаарыштыр салдынган сорулгалар доозазы күүсеттинген дээрзин дыңнадывыс.
Буян Ооржактың тырттырган чуруу.