Тывада эң-не нептереңгей “Социал керээ” төлевилели Таңды кожууннуң херээжен чурттакчызының күзелин боттандырган.
Бай-Хаак суурда База-кыс Балчинмайның “Виртуалдыг шын” деп уруглар ойнаар төвү ажыттынган. Ол “Үш кит” садыг-саарылга төвүнде турар. “Социал керээ” киржикчизи База-кыс Балчинмайның чугаалап турары-биле алырга, кожууннуң чурттакчы чонунга янзы-бүрү оюннар делегейинче шымнып кирер арга тывылган.
Төптүң ажыдыышкынынга кожууннуң чагырга даргазы С.С. Оюн, чагырыкчының социал политика талазы-биле оралакчызы И.И. Оюн база Бай-Хаак сумузунуң баштыңы А.А. Донгак четкеннер. Сайлык-оол Семёнович уруглар ойнаар төп суурнуң чурттакчы чонунуңчыглыр ынак чери болу бээринге бүзүреп, төптүң ажыдыышкынын таварыштыр байырын чедирип, чедиишкиннерни күзээн.
“Шын” №95 2023 чылдың декабрь 13
