Апрель 5- 9 хүннеринде Санкт-Петербург хоорайда спорттуң панкратион деп дайынчы арга ажыглаар хевиринге маргылдаага киржир шыырак дээн спортчулар чыглып эгелээн.
Панкратион - бо спорттуң хевири Бурунгу Грециядан укталгаш, бо хүннерге чедир нептереңгей болуп артпышаан.
Чемпионатка 20 хардан өрү эр, херээжен спортчулар, Федералдыг округтуң Чемпионаттарынга боттарының килинге I - III –кү черлерни алган спортчулар болгаш 2022 чылдың Россия чемпионадының тиилекчилери, мөңгүн медаль эдилекчилери киржир эргелиг.
Панкратион-2023 Россия Чемпионадының байырлыг ажыдыышкыны Санкт-Петербург хоорайга апрель 7-де 13:00 шакта эгелээр.
Тываны төлээлеп Артыш Комбу тренерниң удуртулгазы-биле чемпион Өвээнчи Иргит биле Красноярск хоорайга февраль 24-26 хүннеринде СФО-нуң Чемпионадынга мөңгүн медальды чаалап алган Начын Сат киржир дээш аъттаныпкан.
ТР-ниң Спорт яамызының парлалга албанының медээзи
#Шынсолун#Тываспорт#ӨвээнчиИргит#НачынСат#Панкратион_2023
