Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Психологтуң сүмезин алган

22 июня 2023
16

Июнь 16-да кожууннуң К.-Э. Кудажы аттыг төп ном саңынга Республиканың чонга социал дуза чедирер «Деткимче» төвүнүң психолог-консультантызы Жанна Тюлюш-биле солун ужуражылга болган. Аңаа кожууннуң библиотекарьлары, психолог башкылар база сонуургалдыг номчукчулар киришкен.

Жанна Анай-ооловна дуржулгалыг психолог башкы, консультант, психотерапевт. Бодунуң билиин үргүлчү бедидип, сайзырадып, немелде эртемнерни чедип ап чоруур. Ооң эрттирип турар өөредиглериниң кол угланыышкыны– кижиниң иштики делегейин канчаар эде тургузуп алыры база берге байдалга таварышкан кижилерге психологтуг дузаны чедирери. Амыдыралда муңчулуп, оруун тыппайн турарлар кайы көвей. Оларга кандыг психологтуг дуза чедирип болур деп айтырыгларны сайгарып, амыдыралдан чижектерни киирген.

Ол ышкаш эрте бурунгу эртем — чурагайлар, саннар дузазы-биле (нумерология) кижиниң мөзү-бүдүжүн илередиринче угланган солун чугааны кылган. Ужуражылганың практиктиг кезээнде кижилерниң төрүттүнген хүнүнден чурагай санап тургаш мөзү-бүдүжүн тургузуп илередирин өөредип, тывызыксыг саннарның кижиниң чуртталгазында салдарын тайылбырлап көргүскен.

Амгы үеде база бир дүвүрелди оттуруп турар айтырыгларның бирээзи – кижилерниң, ылаңгыя аныяктарның база элээди уругларның аразында бодунуң амы-тынынга четтинер чорук. Мындыг чүүлдү болдурбас дээш, Жанна Анай-ооловна бүгү-ле күжүн, билиин ажыглап тургаш, психологтуг дузаны бодунуң амы-тынынга айыылды тургузуп турар кижилерге чедирип турар. Бо чидиг айтырыгны канчаар шиитпирлеп болурунуң аргаларын чижектер киирип тургаш, тайылбырлап, арга-дуржулгазы-биле үлешкен. Күзелдиг кижилерге ниити болгаш хууда консультацияларны база кылган.

Улуг-Хем кожууннуң төп ном саңының удуртулгазының мурнундан өөредиглиг, ажыктыг лекцияларны чонга, ылаңгыя башкыларга база библиотекарьларга кылып бергени дээш Республиканың чонга социал дуза чедирер «Деткимче» төвүнүң удуртукчузу Буян Болбалдаевичиге база төптүң психолог-консультантызы Жанна Анай-ооловнага өөрүп четтиргенивисти илередип, моон-даа соңгаар кады ажылдажылганы күзедивис.

Сай-Суу ТАРЫЙМАА,
Улуг-Хем кожууннуң К.-Э.К. Кудажы аттыг төп ном саңының методиктиг килдизиниң эргелекчизи.
"Шын" №45 2023 чылдың июнь 21