МОСКВА, декабрь 8. /СЭТА/. Аңгы-аңгы үелерде Россияның Президентизи Владимир Путин янзы-бүрү хевирлерни өөренип көрүп турган, ынчалзажок бөгүн бүрүн эргелерниң чаа хуусаазынче иттинери албан деп санап турар.
"Бо айтырыгның талазы-биле аңгы-аңгы үелерде янзы-бүрү бодалдыг турган мен. Бөгүн оон өскээр хоржок дээрзин билип турар мен. Ынчангаш Россияның Президентизиниң албан-дужаалынче депшидер деп турар мен" деп, Ада-чурттуң Маадырларының Хүнүнде ёзулал үезинде чугаага ооң киржикчилериниң 2024 чылдың соңгулдаларынга киржирин дилээн саналынга ол ынчаар харыылаан. Путин чугаалашкан кижилерге оларның деткимчези дээш өөрүп четтирип турарын илергейлээн. "Бо байдалдарда, ылаңгыя бөгүн сөглеттинген силерниң сөстериңер дээш өөрүп четтирип тур мен”деп, Президент чугаалаан.
Путин-биле чугаага киришкеннерниң аразында ДУР-нуң Улусчу совединиң даргазы Артем Жога (2022 чылда Волновахага мөчээн ТШО-нуң дайынчызы, Россияның Маадыры Владимир Жоганың адазы), ТШО-га бажын салган дайынчы, Россияның Маадыры Нурмагомед Гаджимагомедовтуң иези Сапижат Мазаева, Москваның № 52 эмнелгезиниң кол эмчизи Марьяна Лысенко, РФ-тиң алдарлыг шахтеру Эдуард Щербина, Россияның Маадыры, сержант Юрий Мизерный болгаш өскелер-даа киришкен.
СЭТА
https://tass.ru/politika/19491917
