Марианна Куулар: "Тываның Кадык камгалал яамызы шериг албан-хүлээлгелиглерге бүгү талалыг деткимчени көргүзүп турар".
Тываның Баштыңы Владислав Ховалыгның даасканы-биле республикада тускай шериг операциязының киржикчилери шериг албанныгларга, долу эвес мобилизация-биле кыйгырткан курлавыр шериглерге база эки турачыларга ''Серебрянка'' санаторий-профилакторийниң баазазынга реабилитация эртерин организастаан.
Бо хүн тыва чазактың Аппарат хуралынга Владислав Ховалыг Тывадан мобилизастаттынганнарны, эки турачыларны база шериг албанныгларны болгаш оларның өг-бүлелериниң кежигүннерин уттуп болбас, оларга бүгү талалыг деткимчени көргүзер, ооң иштинде эмчи дузазын база чедирер деп чугулалап айыткан.
Тываның кадык камгалал сайыдының бирги оралакчызы Марианна Куулар шериг албанныглар, мобилизастаттынган хамаатылар болгаш оларның өг-бүлелериниң кежигүннеринге, оон аңгыда тускай шериг операциязының үезинде амы-тынындан чарылган шериглерниң өг-бүлелеринге эмчи ачы-дузазы чедиреринге ''ногаан коридор'' тургустунганын дыңнаткан.
''Амы-тынындан чарылган шериглерниң өг-бүлелериниң кежигүннери 13 кижи болгаш 4 эки турачы 2022 чылда регион бюджеди-биле ''Серебрянка'' санаторийинге эмнээшкинни эрткен. Оон аңгыда Республиканың 1 дугаар эмнелгезинге чыдып эмнедир травматология салбырынга 2 кижи эмнээшкинни эрткен, ам-даа 2 кижи эмнедип турар. Эмнеткениниң соонда оларга реабилитация дузазы херек болза, тускай маршрутизация езугаар ''Серебрянка'' санаторийинче шилчидиптер. Ында эмчилер база-ла албан эмчи камгаладылгазының болгаш социал камгаладылга фондузунуң шугуму-биле ажылдап турар. Оон аңгыда регион бюджединден бисте 670 кижини эмнээринге херек акша-хөреңги аңгылаттынган'' - деп, Марианна Куулар түңнээн.
Чуруктарны интернеттен алган.
