Редиска

Редиска — грибоктарга удур бойдустуң эми. Редьканың чулуунда, ооң иштинде редисканың, кижилерге хора чедирер Candida albicans грибоктарын чок кылыр ферментилер бар.

Редиска арарынга дузалаар бе? Редиска бүрүзүнде чаңгыс-ла калорий бар, тургузуунда жирлер болгаш углеводтар чок. Редиска — С витаминниң үндезини. Ында бар аскорбинка, цинк болгаш фосфор кеш кургаарынга, хууларынга болгаш шивишкилер-биле демисежиринге дузалаар. Ооң кадында С витамин иммуннуг системаны быжыглаар, бүдүмелдер солчулгазын таарыштырарынга дузалаар.

Ооң хоразы бар бе? Редисканы аш ижинге чиирин шеглеңер, ол ижин хейлендирер. Удуур бетинде база чип болбас, ижин хеверер. Эң-не эптиг үези — дүъштеки чем үези.

«Редис» деп сөс radix деп латин сөстен укталган, утказы «дазыл» дээн. Бурун Грецияга бо үнүштү дыка үнелээр турган, аңаа тураскаадып ооң хоолгазын алдынга дүжүрүп куткаш грек бурган Аполлонга сөңнээр турган.

Редисти огурец, ногаан салат база горошек чанынга олуртурга эки ижигер. Бир эвес ооң амданы кадыг болгаш ажыг болза, багай суггарып турган, а чарлыгылай берген болза, эрттир суггарып турган деп билип алыр.

Редиска-биле кандыг чем кылып болурул? Эң-не нептереңгейи — редиска, чуурга база огурецтиг салат. Ол ышкаш байырлал столунга салатты азы закусканы роза чечек кылдыр хевирлээн редиска-биле каастап болур. А изиг чайын редискалыг соок окрошка эң-не чаагай.

“Шын” №44 2024 чылдың июнь 15