Кызыл хоорайның 17 хар чедир уруглар, оолдар аразынга дүрген шыдыраага “Тыва Республиканың 1 чылдыг спартакиадазынга” кызыгаарланып, шилилге турнирни эрттирген.
Ниитизи-биле 15 оол киришкен. Хемчег чаңгыс тыныш-биле эрткен. Ооң түңнелинде, оолдар аразынга Начын Чамзы 6,5 баллды ойнап алгаш, тиилекчи болган. Ийиги черни 5,5 балл-биле Дүгер Допай чаалап алган. А үшкүзүн 5 баллдыг Эртине Херел алган.
Кыс уруглар аразынга Ананда Донгак 9 баллды арыг ойнааш, тиилекчи болган. Полина Иргит 8 баллды алгаш, 2-ги черни ээлээн. Чеди балл-биле Алина Соян 3-кү черге төлептиг болган.
Шаңналдыг черлерни шупту Кызыл хоорайның Немелде өөредилге төвүнүң өөреникчилери алган. Оларны маргылдааның республика чергелиг чадазы манап турар.