ТР-ниң кадык камгалал сайыдының оралакчызы Айдың Сарыглар Республиканың уруглар эмнелгезиниң стационар корпузунуң чаа тудуунуң дугайында социал четкиде бодунуң блогунга дараазында чүүлдү бижээн:
" Июнь 21-де Россияның Кадык камгалал амызындан тѳлээ кээп чораан. Ооң келген-не кол сорулгазы, Республиканың уруглар эмнелгезиниң стационар корпузунуң чаа тудуунуң дугайында айтырыгны шиитпирлежир дээн. Тудугнуң турар чери тодараттынган. Тудугну ам турар корпустуң чанынга тудар болган. Ол амгы үеге дүүштүр туттунган, 150 кижи чыдар олуттуг чаа оран-сава болур. Эгезинде 3 къат болур деп планнап турган бис, ындыг-даа бол тѳнчү шиитпир-биле чаа стационар корпузу 6 каът болур дээн. Аңаа диагностика тѳвү, уругларга кезиишкин чорудар салбыр, ортопедия, урология, травматология салбырлары база турар. Тывага туруп кѳрбээн онкогематология албаны база ажыттынары манаттынып турар. Ол дээрге хан-дамыр системазының айыылдыг ыжык аарыгларын эмнээр кончуг хереглелдиг угланыышкын-дыр. "
.
#Тыва #Здравоохранение#Кадыккамгалаляамызы #Уругларэмнелгези #Айдыңсарыглар #Шынсолун #Тыва #Тывамедээ #Тывадыл #Тывамедиагрупп #Тува #Tuva #Shyntuva