РФ-тиң Президентизиниң Айыткалындан

«Бо көңгүс аныяк, эрес-дидим кижилерже көрүп олура, кандыг-даа хөөредиг чокка чугаалап болур мен: бистиң улузувус дээш, бистиң чонувус дээш база тодаргай бо кижилер дээш кижиниң көксү-хөрээ чоргааралдан долуп келир-дир. Олар, чугаажок, аткаарлап өлбестер, өскерликчи болгаш саттыныкчы болбастар»— деп, В.Путин чугаалаан.

Ооң-биле ол кадржаан шериглерниң, эки турачыларның, мөөңнээшкин-биле шериг албанынче кыйгырткан хамааты мергежилдиң кижилериниң дугайында чугаалап турар.

«Олар дөгере өөредилге системазынга, аныяктарны кижизидер херекке болгаш хөй-ниити каттыжыышкыннарынга, күрүне компанияларынга, бизнеске, эргелеп-башкарылгага мурнуку одуругну ээлеп, регионнарны, адак дизе, бүдүрүлгелерни, чурттуң эң улуг төлевилелдерин баштаар ужурлуглар” – деп, Президент санап турар.

Ниитилелдиң мурнунга кандыг-даа ачы-хавыяазы чок, ынчалза-даа боттарын «дээп болбас демир өрген, артап болбас алдын өрген бис» дээр кижилер «элита» дөп сөстү хөй нуруузунда бужартадып каапканын билир силер бе. Мен мында эрткен чүс чылдың 90 чылдарының экономиказында таарымча чок байдалдарны ажыглап алгаш, карманнарын акша-биле дыгып алганнар дугайында чугаалап тур мен— шынап-ла, олар элита болуп шыдавастар. Ёзулуг шын элита — Россияга ак сеткилдиг бараан болуп чоруур кижилер: Россияга бердингенин шынзыткан төлептиг кижи- лер — ажыл-ишчилер болгаш дайынчылар-дыр» — деп, В.Путин чугаалаан.

Март 1-ден тура ТШО-нуң хоочуннары болгаш киржикчилери тускай кадр программазының бирги бөлүү-биле өөренир билдириишкинни киирип болурлар. «Ол программаны «Маадырларның үези» деп чижеглей адап алыылыңар” — деп, Президент демдеглээн.

Оон аңгыда, В. Путинниң чугаазы-биле, ТШО-нуң хоочуннары болгаш киржикчилери чурттуң дээди өөредилге черлеринге дээди эртемни, хамааты мергежилди мурнады чедип алыр арга-шинектиг апаар.
ТШО-нуң киржикчилери – анаа шериглер, сержантылар, дайынчы офицерлер – бөгүн безин бистиң Чепсектиг Күштеривистиң өзээн тургузуп болурлар. «Шериг депшилгени уламчылаарын күзээн кижилер ажыл-албанының талазы-биле командирлер курстарынга, училищелерге болгаш шериг академияларынга өөренип кирип алганда, албанның аайы-биле мурнады депшилгени алырлар» — деп, күрүнениң
Баштыңы бүзүреткен.

А. ХЕРТЕК белеткээн.

«Шын» №17 2024 чылдың март 6