Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
09 августа, вт

Росгвардияның дайынчылары чанып келген.

9 июля 2022
3

Июль 8-те Украинада Россияның тускай операция девискээринден чанып келген Росгвардияның дайынчыларын байырлыг байдалга уткаан. Дайынчыларны чоок кижилери, дөргүл-төрелдери, республиканың Чазаандан төлээлер, найысылалдың болгаш Росгвардияның Тывада эргелелиниң удуртулгазы уткуп алган.

«Полицияның хоруглуг девискээринден шериг кезээ чурттуң удуртулгазының болгаш Национал гвардияның шериг командылалының дайынчы сорулгаларын шуптузун күүсеткен. Хуу состав мурнакчылар болуп келген. Бо шериг кезээнден эглип келбес чидиригге таварышканывыс харааданчыг-дыр. Бир ажылдакчы балыглаткаш, ам экирээш, катап дайынчы одуругда турар» – деп, эргелелдиң начальнигиниң хүлээлгезин түр үеде күүседип турар Александр Новоселов чугаалаан.

«Төрээн чуртувустуң эрге-ажыын камгалап турарыңар дээш шуптувустуң мурнундан өөрүп четтиргенивисти илередир-дир мен. Өзүп олурар салгалдарывыска шериг албаныңар-биле үлегериңерни көргүзүп чорууруңар чоргааранчыг-дыр. Чанып келгениңер дээш өөрүп тур бис!» – деп, ТР-ниң Чазак Даргазының оралакчызының хүлээлгезин күүседип турар, энергетика сайыды Мерген Дагба чылыг сөстерни дайынчыларга чугаалаан.

Чоок болгаш төрээн кижилериниң мурнундан СОБР-нуң ажылдакчызының өөнүң ишти Ч. Монгуш сөс алган: «Бөгүн июль 8-те, Өг-бүле, ынакшыл болгаш шынчы чорук хүнүнде, ам-на өг-бүлелеривис кады тур бис. Силерге аажок чоргаарланып тур бис. Эрес-дидим чорууңар көргүзүп, оолдарыңарга төлептиг үлегер-чижек болуп турар силер. Олар силерни көргеш, Төрээн чуртунуң камгалакчылары болуп, маадырлар болуксап турары чугаажок. Бо-ла хевээр эрес-дидим, төлептиг кижилер болуп артып каарыңарны күзеп тур бис. А бис силерге бажыңнарывыска таарымчалыг байдалды кезээде тургузуп чоруур бис».

А. СОЯН.