Бо минуталарда күрүне Баштыңы Манежте болуп турар улуг парлалга конференциязын эрттирип турар. Путинге бир дугаар салган айтырыг коронавирус хамчыы-биле демисел дугайында болган. “Интерфакстың” удуртукчузу: “Пандемия чурттуң экономиказынга кандыг салдарлыг болганыл, азы бүгү чоннуң коронавируска удур тарыдарын манаар бе?” — деп айтырыгны салган.
“Бистиң экономикавыс кыйгырыглар болгаш чыгап келген кызыгаарлаашкыннар-биле үскүлешпишаан, делегейде экономика талазы-биле сайзыраңгай 20 чурттарга бодаарга, чедиишкинниг болгаш албааралга белен болган” – деп, Путин демдеглээн.
Россияның экономиказының катап тургустунуп келгени, делегейниң өске чурттарынга деңнээрге дүрген болганын Президент чугаалаан. Тудуг талазы-биле эң тергиин көргүзүглер илереттинип келгенин ол демдеглээн. “Ындыг түңнел бир-ле дугаар Россияда чедип алдынган” – деп, Президент харыылаан.
“Хараалаан, бистиң чуртта коллективтиг иммунитет 59,4 % болуп турар. Биске, чижеглээрге, 80 хире хуу коллективтиг иммунитет херек” – деп, ол чугаалаан.