ССРЭ-ниң составынче Тыва Арат Республиканың каттыжып киргениниң 80 чылынга тураскааткан янзы-бүрү улуг, биче хемчеглер чер-черлерде эртип турар. Бо хонуктарда Россияның чүрээ – Москва хоорайда “Россия” делегей чергелиг делгелге-шуулганның шөлүнге ол юбилейлиг болуушкунга тураскааткан концерт болуп эрткен.
Тываның Чазааның Даргазының оралакчызы Владимир Донских, Тыва Республиканың Москва хоорайда бүрүн эргелиг төлээзи Чечен Чоксум байырлал хемчээнге киришкеш, Азия төвүнде республиканың онзагай уран чүүлүн сонуургап келген москважыларга болгаш аалчыларга байырын чедиргеннер.
Тыва чоннуң эртинези– сыгыт-хөөмейни чаарттынган хевирге хөөмейжилер Эрес Сандан биле Аяс Дамдын олар Владислав Терентьев-биле кады “Ине” деп боттарының төлевилели-биле таныштырган. Тыва культураны аныяк-өскенге өөредип, суртаалдап чоруур Юлия Хирбээниң удуртканы «Урянхай» модель агентилели “Скифтерниң алдыны” деп оюн-көргүзүүн бараалгаткан.
Тываның бүрүн эргелиг төлээ чериниң YouTube каналда https://vk.cc/cxmsDy шөлүгден концерттиң долу видеозун көрүп болур.
Бистиң корр.
Чуруктарны интернеттен алган.
«Шын» №41 2024 чылдың июнь 5
![](https://sun4-21.userapi.com/impg/Ph2fARhxfLLWVOz5DghJObTSdcM2eNgYrkjXtQ/PBEXEwipgyk.jpg?size=807x538&quality=95&sign=0375b2c1c81da3f69f50bb9fc5c8b5ef&c_uniq_tag=XLB4qypuLLUtNeQ-XBNuxhqYJly6Cg7mXit2N2OsFQE&type=album)
![](https://sun4-18.userapi.com/impg/7JundsUnlO7Suxwcfcx6lY1EC-d1RbL2fi64wA/4c8wndYfXbU.jpg?size=807x538&quality=95&sign=4d1dc5a25635da57d95b6d06e97be3cb&c_uniq_tag=YJGlfOM7cfqskpsTlz-w7MyjFpWmRFsaCV3Hm0taDn0&type=album)
![](https://sun4-21.userapi.com/impg/u2CEAhKjouKDBbdOZUmVsy4DTwKx3CKyO5a2lA/D-VDfQ2s5yk.jpg?size=807x538&quality=95&sign=c0004a747b34267a934b1808021a9aa5&c_uniq_tag=pE3iTw8T2ru8DWAurPfhfX5FTdF-j_CRB0tmPIKrH7Q&type=album)
![](https://sun4-19.userapi.com/impg/45mbK1mY--j_dBG5t5LT6eYH9e_0on6tvtsRfQ/V5TvFYDlhPY.jpg?size=807x538&quality=95&sign=20c84638fde118007e459c63d1a847a7&c_uniq_tag=ElwfCqL5b9Q4kPvBTqR2P28uv1iAFru5RyOosowwjBM&type=album)