Тывага «Россияга ажыл. Арга-шинектерниң үези» деп бирги Бүгү-россия ярмарказының регионалдыг чадазы эртер.
Апрель 14–15 хүннеринде Кызылга ажылга хаара туттунарының бирги Бүгү-россия ярмарказының регионалдыг чадазы болуп эртер.
Компанияларны болгаш албан черлерин, хууда сайгарлыкчыларны база бодун боду ажыл-биле хандыртынган хамаатыларны аңаа киржирин чалап турар. Ажыл берикчилери боттарының компанияларын таныштырып, болгу дег депшилгениң арга-шинээн чугаалап бээрлер.
Ярмарка ийи чадалыг эртер. Ооң баштайгы хүнүнде, апрель 14-те, ажыл берикчилери Аныяктар ордузунга боттарының шөлчүгештерин калбартыр, аңаа хостуг ажылчын туруштарның дугайында чугаалажыышкыннарны чорудар. Ол бүгү-биле чергелештир республиканың аныяктар организациялары ажылга хаара туттунарының талазы-биле чидиг айтырыгларны студентижи маргыштыг чугаалар үезинде көдүрер. Шак ындыг шөлдерни республиканың чонну ажылга хаара тударының талазы-биле төптеринге ажыдар.
Ийиги хүнде, апрель 15-те, Кызылдың Арбат шөлүнге ажылга хаара тударының шөлдери ажыттынар. Хостуг чугула мергежилдерден аңгыда, аңаа бодун боду ажыл-биле хандыртынган кижилерниң бүдүрген продукциязын бараалгадыр.
Ярмаркага киржирде баш бурунгаар ажылга хаара туттунарының болгаш күш-ажылчы хамаарылгалар адырының “Россияга ажыл” деп Чаңгыс аай чурагайлыг платформазынга чагыгны киирер.
/ А. ХЕРТЕК белеткээн.
"Шын" №26 2023 чылдың апрель 12
#Шынсолун #Тыва #Россиягаажыл #Аныяктар #Бүгү_РоссияЯрмарказы
