Орёл хоорайга февраль 28–29 хүннеринде дыңнаары кошкак оолдар аразынга Россияның бирги чери дээш хостуг хүреш маргылдаазы болган. Тренерлер Артыш Доржу биле Аржаан Ооржактың удуртулгазы-биле бистиң мөгелеривис чедиишкинниг киришкеш, чанып келгеннер. Маргылдааныӊ түңнелинде 45 килге Начын Кара-Сал, 51 килге Эртине Доржу бирги черни чаалап, чемпионнар болганнар. Мөңгүн болгаш хүлер медальдарга Белек Маркс биле Айдаш Донгак тергиидээн.
Март 1–4 хүннеринде Соңгу Осетияның төвү Владикавказ хоорайга 15 харга чедир оолдар аразынга Россияның бирги чери дээш хостуг хүреш маргылдаазынга Тывадан 23 элээди оолдар киришкен. Бо удаада бистиң мөгелеривистен чүгле 52 килге Максим Монгуш, 62 килге Чамыян Кара-Сал олар 3-кү чер дээш хүрешкеннер.
Алесей ЧАМБАЛ-ООЛ.
Чурук авторнуң архивинден.
«Шын» №17 2024 чылдың март 6
