Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Россияның түңнел маргылдаазынга киржир эрге дээш

23 января 2024
9

Красноярск крайның Назарово хоорайга январь 16–18 хүннеринде 16 хар чедир оолдар, уруглар аразынга Сибирь девискээриниң бирги чери дээш база Россияның түңнел маргылдаазынга киржир эрге дээш шилилгелиг хостуг хүреш Красноярск крайдан, Иркутск, Новосибирск, Кемерово областарындан база Тыва, Хакас республикалардан эӊ-не шилиндек 450 хире аныяк мөгелерниң аразынга бедик деңнелге болуп эрткен.

Бо маргылдаага бистиң республикадан 100 хире оолдар, уругларны хостуг хүреш чөвүлелиниң күүсекчи директору Кенден Сат-Ок, кол тренерлер Сугдер Ламажап, Сайзаана Куулар, шииткекчилер Айдың Достай, Алексей Анайбан, Борис Кара-Сал, ол ышкаш мөгелерниң хууда тренерлери баштап чораан болгаш тыва спортчулар чедиишкинниг киришкеннер. Хостуг хүреш чөвүлелиниң оралакчы даргазы Буян Биче-оолдуң дыңнатканы-биле, маргылдаага бистиң ѳзүп олурар аныяк мөгелеривистиң база оларның тренерлериниң шыырак белеткенгениниң түңнелинде чайынналчак чедиишкинниг болган. Тиилекчилер болгаш шаңналдыг черлерже кирген мөгелеривис март айда болур Россияның бирги чери дээш хостуг хүреш маргылдаазынга киржирлер. Бо эрткен маргылдааның түңнелинде оолдар аразынга 35 килге 2-ги черни – Шагаамай Күжүгет (Барыын-Хемчик), 3-кү черни – Яромир Монгуш (Кызыл кожуун), 38 килге 2-ги черни – Айыраш Сарыглар (Таңды), 3-кү черни – Чурумал Ооржак (Ак-Довурак) олар төлептиг болганнар.

Дараазында 41 килге бистиң 2 мөгевис түңнел хүрешке чараш хүрешти көргүскениниң түңнелинде, 1-ги черни – Дандар Ондар (Чөөн-Хемчик), 2-ги черни – Ринчен Салчак (Ээрбек) чаалап алган. 44 килге 2–3-кү черлерни – Арслан Сергештей (Барыын-Хемчик), Аюр Хомушку (Ак-Довурак) алганнар. 48 килге 1-ги черни бүзүрелдии-биле Арслан Шагдыр (Кызыл кожуун) алган. 52 килге түңнел хүрешке бистиң мөгелеривис чедиишкинниг хүрешкен. Түңнелинде, 1-ги черни – Максим Монгуш (Кызыл кожуун), 2-ги черни – Белек Ооржак (Ак-Довурак), 62 килге 1-ги черни – Айлык Ондар (Чөөн-Хемчик) тус-тузунда чаалап алган. Дараазында 68 килге 1-ги черни – Чамыян Кара-Сар (СШОР Кызыл), 3-кү черлерни Балчиян Баажай база Аркадий Долчаа (иелээ Кызыл кожуун), 75 килде 3-кү чер- ни – Экер Донгак (СШОР Олимп), 85 килде 1-ги черни – Намзырай Монгуш (Чөөн-Хемчик), 3-кү черни – Айдызаан Узун-оол (Улуг-Хем) алганнар. 100 килге 1-ги черге – Өлзей Монгуш (Чөөн-Хемчик) шыырак белеткелдиин көргүзүп, тиилекчи болган.

Уруглар аразынга шаңналдыг черлерже дараазында мөгелер кирген; 36 килге 2-ги черге Алдыына Кыргыс төлептиг болган. 39 килге 1-ги черни бүзүрелдии-биле Кадын-Ай Донгак, 3-кү черни – Ангырак Монгуш чаалап алганнар. Бо маргылдаага оолдар аразынга Чөөн-Хемчик, Барыын-Хемчик, Кызыл кожууннарның база Кызыл хоорайда СШОР болгаш СШОР Олимп школаларныӊ, Ак-Довурак хоорайның мөгелери эки белеткелди, чараш хүрештерни көргүскеннер.

Январь 24–28 хүннеринде Красноярск хоорайга И.С. Ярыгин аттыг 35-ки Делегей чергелиг Гран-при спортчу хүрештерниң маргылдаазы болуп эртер. Аңаа киржири-биле, бистиң республиканың мөгелери “Херел” спорт залында 2 неделя дургузунда Казахстанның мөгелери-биле кады каттышкан белеткелди эртип турар. Ук маргылдаага эр улус аразынга хүрежири-биле бистиң республикадан 10 мөге шынзылганы алган. Херээжен мөгелер аразында бо хүнде 2 мөге шынзылгалыг. Мөгелеривиске бедик спортчу чедиишкиннерни, хей-аътты, тура-сорукту күзеп каалыңар.

Алексей ЧАМБАЛ-ООЛ.

Авторнуң тырттырган чуруктары.