Одалга сезону эгелээн. Өрттен камгаланыр аргалар– өртке удур профилактиктиг ажылдарны чорудары, электри шугумун чаартыры, одаар печкаларны, оларның эргилээн хоолайларын солууру дээш янзы-бүрү.
Профилактиктиг ажылдарның бирээзи– өрт медээчизи болур тускай дериг-херекселди салыры. Тываның Чазааның айтыышкыны ёзугаар ТР-ниң Күш-ажыл болгаш социал политика яамызы өрт медээчизи болур дериг-херекселди хөй ажы-төлдүг болгаш орулгазы эвээш өг-бүлелерниң оран-савазынга халас салып берип турар.
Эрзин кожуунда ниитизи-биле хөй ажы-төлдүг – 19, орулгазы эвээш – 45, кадыының байдалы кызыгаар- лыг – 1, чаш өпеяалыг 5 өг-бүле өрт медээчизин халаска алыр эргелиг. Даңзыда ады кирген өг-бүлелерниң чурттап орар оран-савазынга 2025 чылдың октябрь айда өрт медээчизи салдынган дээрзин Эрзин кожууннуң чагырга даргазының амыдырал-хандырылга талазы-биле оралакчызы Рэнчиндорж Шойжулчап дыңнаткан.
Онза байдалдар яамызының специалистериниң чорутканы шинчилелдер өрт медээчилериниң ажыглалы оттан камгаланырының эң дээштиг, үре-түңнелдиг хевири болуп турар. Оларның ачызында өрттерниң саны кызырылган, а когараан кижилерниң саны эвээжеп турар.
Айдың ОНДАР.
Чуруктарны интернеттен хоолгалаан.
“Шын” №49 2025 чылдың декабрь 18
