Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Сүрүң-оолдуң өске кадайы

9 февраля 2025
9

(Болган таварылга)

Бо чугаа чоокта чаа бистиң кожууннуң бир көдээ библиотеказынга болган чүве. Улгады берген назылыг библиотекарь угбай солуннар көктеп олурда, бир аныяк оол далаш-биле кире халып келгеш:

– Экии, угбай! Сүрүң-оолдуң өске кадайы бар бе? – деп айтырган.

Библиотекарь аңгадай бергеш:

– Та-та! Өске кадайы бар-чогун билбес мен – деп, хорадаксап харыылаан.

Аныяк эр элдепсинген аян-биле библиотекарьже көре каапкаш, үнгеш чоруй барган. Элээн болганда, ол-ла оол катап кирип келгеш:

– Салим Сазыгович Сүрүң-оол чогаалчының «Өске кадай» деп номун хереглеп чоруур кижи-дир мен ийин, угбай. Бар болза, бижидип алгаш, номчузумза.

– Па! Девиин-не чоп таптыг айтырбаан сен. Далаш-биле кире халып келгеш-ле: «Сүрүң-оолдуң өске кадайы бар бе?» дээриңге, кайгай бербедим бе. Сүрүң-оол деп аттыг улус-ла хөй болгай. Бистиң суурувуста безин ийи Сүрүң-оол бар ышкажык. Сөс, домакты шын эвес аян-биле чугаалаарга, утказы өскерли бээр чоор.

– Буруулуг болган-дыр мен, угбай. Эштеримниң машиназынга олурупкаш келген кижи мен, олар далаштырарга, бодал чокка чугаалай каапкан-дыр мен – деп, оол миннип чугаалаан.

– Далаш чорук багай, «Чугаалаар мурнунда – бодан, шугум чазаар мурнунда – шыгаа» деп чонувустуң үлегер домааның утказы ханы болдур ийин. Чогаалчывыстың «Өске кадай» деп аттыг ному бар – дээш, номнар чыскаай салып каан стеллажтар аразынче кылаштапкан.

Эрес-оол МОНГУШ.

Өвүр кожуун, Хандагайты суур.

«Шын» №4 2025 чылдың февраль 6