Тыва дыл хүнүн уткуштур Республиканың медицина колледжизинге тыва дыл кичээли болган.
Келир үениң эмчилеринге тыва дылдың төөгүзү болгаш делегейде өске дылдардан тыва дылдың онзагай талаларынче кичээнгейни салып, «Сөстер делегейинче аян-чорук» деп илеткелди филология эртемнериниң кандидады, Национал школа хөгжүдер институттуң директору Елена Куулар кылган.
Кижиниң мага-боду, ооң кезектеринге хамаарышкан сөстерни Институттуң тыва филология лабораториязының биче эртем ажылдакчызы Чочагай Хомушку тыва улустуң аас чогаалы-биле холбап тайылбырлаан. Ужуражылга солун, хөглүг байдалга эрткен.
Чурукту болгаш медээни Национал школа хөгжүдер институттан алган.
«Шын» №83 2024 чылдың октябрь 30
