Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Салым-чаяанныг солунчу

29 декабря 2023
8

Чөөн-Хемчик кожууннуң чоргааралы болур «Чаа орук» солун узун орукту эрткен. 80 чыл дургузунда чонунга бараан болуп келген, кол-ла чүүл — ол ам-даа хөйге бараан болуп чоруур.

Бо төөгүлүг солунга харыысалгалыг секретарь болуп ажылдап чораан, амыдыралының 10 ажыг чылын бо солунга тураскааткан Ольга Доржуевна Салчактың дугайында бижикседим.

О.Д. Салчак солунга кожууннуң ажыл-амыдыралын, аңгы-аңгы мергежилдиг чурттакчы чонун чырыдып чораан. Ольга Доржуевна «Төрээн чурттуң төөгүзүн төөгүп берем» деп журналистер болгаш көдээ бижикчилер аразынга болган мөөрейге II черни ээлеп, 2013 чылдың декабрь 5-те «Салым-чолдуң кадыр кокпазы» деп очеригинде Тывага Кыдаттан бараан садып келген кырган-ачазын эдерип, Кыдат биле ССРЭ-ниң аразынга политиктиг чөрүлдээлерниң уржуундан олчаан Тывага чурттап артып калган 12 харлыг кыдат оол Чи-Сан-за азы Соу-Ханың салым-чолун бижээн. Ол тыва херээжен-биле чурттап, ажы-төлдүг база болган.

Ольга Доржуевна «Чаа орук» солунга эки кижилер дугайында очерктерни, ол ышкаш чечен чугааларны, бодунуң чогааткан шүлүктерин база бижип турган.

Ольга Доржуевна чон-биле сырый харылзаалыг, арга-сүмелиг хоочун журналист. Ооң «Күзелдерни оттурбаалы» деп шүлүүн ыры кылдыр аялгазын чогааткаш, «Анай-Хаак» ыры-хөгжүм ансамбли ырлап турган.
О.Д. Салчак «Чаа орук» солунга корреспондентилеп, харыысалгалыг секретарь болуп ажылдааш, солуннуң төөгүзүнге балалбас исти арттырган.

Тыва Республиканың Парлалга болгаш информация талазы-биле күрүне комитеди, Культура яамызы журналистиң ажыл-ижин бедии-биле үнелеп, хүндүлел бижиктер-биле шаңнаан.

Ооң ажылдап турган үезинде «Чаа орук» солуннуң тиражы 5 муң экземпляр чедип турган болгаш Сүт-Хөл, Өвүр, Чөөн-Хемчик кожууннарның чоннарының кончуг манаар солуну болуп турган. Солун чеди хонукта 3 катап үнүп турган.

Ольга Салчак 1972 чылда Кызылда күрүнениң педагогика институдунуң филология салбырын дооскан. Доозуп алган эртеми солун-сеткүүл ажылынга өмек-дөмек болуп, улуг идигни берип турган дээр болза, черле чазыг болбас.

Амгы үеде Ольга Доржуевнаның назы-хары улгаткан-даа болза, солуннарга ажыктыг чүүлдерни ам-даа бижип чоруур, арга-сүмелиг журналист. Ол «Тыва мотиватор» солунунга база чүүлдерни бижип турган. Амгы үеде ол Кызыл хоорайда чурттап, уйнуктарын өөредиринге дузалажып чоруур кырган-ава.

Ольга Доржуевна — үш ажы-төлдүң ынак иези, алды ачының кырган-авазы.

«Чаа орук» солунувустуң 80 чылдааны-биле амгы үеде ажылдап турар база ажылдап чораан шупту журналистерге, типография ажылдакчыларынга база аас-кежикти, экини күзедим.

Виктория ПЮРЮНА, күш-ажылдың хоочуну.

Чадаана хоорай.


“Шын” №99 2023 чылдың декабрь 27