«Демография» национал төлевилелдиң «Улуг назылыг салгал» деп федералдыг программазы-биле Чадаананың бажың-интернадында «Самныг терапия» деп регионалдыг социал төлевилел боттанып турар. Ооң сорулгазы – берип турар социал ачы-дузаның шынарын болгаш дээштиин күштелдирери.
Январь 6-да бажың-интернаттың директорунуң оралакчызы Элла Васильевнаның удуртулгазы-биле, ол черниң чурттакчылары Александр Сундуевич Донгак, Валентина Мортукеевна Монгуш, Алдын-Уруг Сувановна Дондук болгаш өскелер-даа хөглүг хороводту күүсеткеннер. Бажың-интернаттың каът бүрүзүнге хөглүг скоморохтар-биле катай хоочуннар славян чоннуң колядка, частушкаларын ырлажып, тывызыктар тыпчып, оюн-тоглаага идепкейлиг киришкеннер. Аңаа ниитизи-биле 32 хоочун киришкен.
