Саян Ондар: "Төрээн черивистиң сайзыралында чаа үе эгелээн-дир деп билип тур мен"

Тываның билдингир спортчузу Саян Ондар Санкт-Петербурга делегей чергелиг экономиктиг шуулганга хамаарыштыр бодунуң бодалын илереткен:

"Бо хүннерде Санкт-Петербург хоорайда делегей чергелиг экономиктиг шуулган болуп турар. Ол онза демдекти илередип турар болуушкун. Экономикадан ырак-даа болзумза, ол шуулганда бистиң республикадан делегация киржип турарын көргеш, төрээн черивистиң сайзыралында чаа үе эгелээн-дир деп билип тур мен. Аңгы-аңгы хоорайларже маргылдаалар, спортчуларның белеткенир чыыштарынче барган санымда, ол черлерде туризм кайы хире сайзырап турарын, аалчыларга кандыг байдалдар тургустунганын өөренип көөр кижи мен. Бистиң республикага кандыг чаа чүүлдер кылып, ажыдып болурунга хамаарышкан бодалдарым-биле үлежиксээр-дир мен. Бир бодалым Кызыл-Курагино транспорт адырынга пассажирлер аргыжылгазын ажыдары турган. Ол бодал Санкт-Петербургтуң делегей чергелиг экономиктиг шуулганынга көдүрттүнгенинге база чүүлдүг деп харыы алганынга өөрүп тур мен".