Бистиң Тываның кыштары соок, дошкун дээрзин шупту билир. Тыва Чаа чыл азы өскээр чугаалаарга Шагаа байырлалы төөгүден бээр февраль айда болур. Ол январь 20-ден февраль 20-ге чедир үргүлчүлээр. Чүге дээрге февраль төнчүзүнде хой оолдап эгелээр. Мал оолдап дооступ турда, тарылгага белеткел эгелээр.
Шаанда мал хөй-даа турган болза, Шагаада аът чарыжы, мал-маган согар, өзээр деп чүве база турбаан. Бо үеде көөрге-ле хойну өзээн, аътты чарыштырган турар.
Тараа соктаар, акша-көпеек чок үеде безин аът чарыжы эрттирбейн турган. Аштаан, ырымнаан ышкаш, тодуг-догаа акша-төгерик бар үеде, доң кыжын аът чарыжы эрттирер. Аътты кым-даа кээргевейн, кым-даа ону камгалавайн турары элдеп. Аът база кижи ышкаш өкпе-чүректиг, аарый бээр болгай. Ону кым-даа бодавас-тыр.
Мария ТЮЛЮШ.
Чурукту интернеттен алган.
“Шын” №15 2024 чылдың февраль 28