Көгей сыннап келдим,
Хөртүк кырлап келдим.
ТайГа сыннап келдим,
Даш кырлап келдим. (ай, хүн).
Азып каар дээрге,
Аскыыжы чок.
Дужап каар дээрге,
Дуюу чок. (туман, булут).
Хербистерни дуглаан,
Кедек черниң пөжү дег сеглең.
Ооргазын дуглаан,
Ооругнуң пөжү дег саглаң. (чаш, кежеге).
Ийи шилгини мунгаш,
Ийи кымчыны кымчыланган. (кижиниң кылаштаары).
Ийи хаанның шерии
Суг чок кургаг ховуда
Чоп кыржып каапты?
Сүнезин чок оглум
Хүнезин чок аъттангаш,
Суг чок ховаа
Ханы кадып олурду ийин (шыдыраа).
Отрядтың сөөлүнде мен,
Орустаарым кежээ-ле мен. («Я» деп үжүк).
— Кайыын келдиң, Борбак?
— Ишкээрлерден келдим.
— Иштиң, хырның кайыл, Борбак?
— Ийде кагдым, ойда кагдым.
— Бистиң черниң чаңчылы-дыр. (хой өдээ).
«Шын» №4 2025 чылдың февраль 6