Тываның В.М. Халилов аттыг күрүнениң филармониязының концерт залынга Бурятияның улустуң артизи, Новосибирскиниң Глинка аттыг күрүнениң консерваториязының чаңгыстың ыры кафедразының доцентизи Шагдар Доржиевич Зондуев-биле ужуражылга болган. Аңаа Тываның культура ажылдакчылары болгаш башкылар киришкен.
Тываның филармониязының солистери боттарының ыры күүселдезин болгаш уран аргаларын көргүзер, ол ышкаш башкының санал-оналын, сүмелерин алыр аргалыг болган. Ужуражылга үезинде Шагдар Зондуев Дамырак Монгуштуң, Елена Кууларның база Тэгшээ Цэцэнделгерниң шынарлыг күүселдезин үнелеп демдеглээн. Солист Шынар Монгушту кедилиг ыраажы деп көргеш, Новосибирскиниң Глинка аттыг консерваториязынга өөренир кылдыр чалаан.
Тываның культура яамызының парлалга албанының медээзинден.
