Январь 8-тен 14-ке чедир Шимченгир амыдыралды нептередир неделяны чарлаан.
Шимченгир оюннар ойнаары дээрге анаа-ла ындыг сонуургал эвес, а үр чылдарда быжыг кадыкшылдың үндезини.
Шимченгир болуру чуртталганың шынарын экижидер болгаш кижиниң назынын узадыр.
Кижиниң күш-шыдалы болгаш чүрек-дамыр системазының ажылы аразында дорт харылзаалыг дээрзин эртем-шинчилел ажылдары бадыткап турар. Эвээш шимченири - янзы-бүрү аарыгларның тыптыр болгаш хенертен амы-тынындан чарлып болурунуң кол чылдагааннарының бирээзи.
Дараазында барымдаалар ол дугайында боттары-ла чугаалап турар:
Хөй шимченмес кижилерниң үргүлчү спорт-биле өңнүктежип турар кижилерге деңнээрге, эрте амы-тынындан чарлыры 33 хуу хөй.
Шимчээри эвээш улус аразында эмиг рагындан аарый бээр кижилер саны 21 хуу хөй.
Шимченгир болурунуң эки талалары чүгле мага-боттуң кадыкшылы-биле кызыгаарланмас. Ол сагыш-сеткил аарыгларын эвээжедир болгаш кырыырын оожургадыр.
Шимченгир амыдыралды канчаар эгелеп алырыл?
Йога, эштири, маңнаары, командага ойнаар оюннар дээш бодуңарга тааржыр спорттуң хевирин шилип алыңар.
Бичии-бичии базымнардан эгелеп алгаш, күжениишкинниң хемчээлин көвүдедиңер.
Күш-культура силерниң чуртталгаңарның бир кезии апаар кылдыр хүн чурумунче тренировканың шагын киирип алыңар.
Деткижер өңнүктерлиг болуп, немелде сагыш-сеткил көдүрлүүшкүнүн алыры-биле силерниң ышкаш сорулгалыг кижилерден тып азы спортчу бөлүктерже коштунуп алыңар.
Идепкейлиг шимченип, кадыкшылыңарже бөгүнден тура сагыш салып кириптиңер!