Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Школалар автобустар-биле четчелеттинген

2 декабря 2023
7

Ноябрь 28-те Кызылга хөй санныг өөреникчилерлиг база эргижирээн автобустарлыг өөредилге албан черлеринге 15, 20 база 24 олуттуг, айыыл чок чорук системазы база ГЛОНАСС-биле дериттинген ПАЗ, ГАЗ база УАЗ маркалыг 25 чаа автотранспорттуң дүлгүүрлерин дамчыдар байырлыг езулал болуп эрткен.

Тыва Республиканың Чазааның Даргазы Орлан Сарыглар база ТР-ниң өөредилге сайыды Елена Хардикова чаа автобустарны школа директорларынга хүлээткен.

Чазак Даргазының оралакчызы Орлан Сарыглар чурттуң Президентизи Владимир Путинниң деткиишкини-биле национал төлевилелдер болгаш федералдыг программалар таварыштыр Тыва 2016 чылдан бо үеге чедир 212 школа автобустарын алганын демдеглээн. Бо хүнде келген 25 санныг автобустарны уруглар аргыштырар хуусаазы 10 чылдан ажа берген хөлгелиг школалар, эргижирээн транспорттуг база бо чылын тудуу доостур 4 школа алырын дыңнаткан. Ол ышкаш Кызылдың эң хөй өөреникчилерлиг 3, 11, 16 база 18 дугаар школалары немей автобусту алыр аас-кежиктиг болган. Чедери берге, ыраккы суурларның школалары орукка доктар билбес УАЗ маркалыг автобусту алганнар. Хөй санныг өөреникчилерлиг база чаа школаларны 10 транспорт-биле удавас немей хандырар.

«Школа автобустарынга хереглелди колдуунда дуглаанывыс ол. Бөгүн 167 школада бар 220 автобус үш муң ажыг өөреникчилерни халас сөөртүп турар. Ажы-төлдүң айыыл чок чоруун хандырары – эң кол. Школаларның удуртулгазы алган чаа автобустарын камныг эдилеп, харыысалгалыг болуп, бистиң ажы-төлүвүске дээш чөптүг ажыглаарынга бүзүрээр мен» – деп, Орлан Сарыглар чугаалаан.

Аяна Комбуй-оол, Өвүр кожууннуң Чаа-Суур школазының директору:
«Кожуун төвүнден элээн ырак черде бистиң школавыска автобус дыка херек. Ылаңгыя өөреникчилеривис кожуун төвүнге олимпиадаларга, янзы-бүрү культура-спортчу хемчеглерге киржир деп баарга, ЕГЭ база ОГЭ дужаар үелерде кожуун төвү Хандагайтыже чедип алыры чамдыкта бергедей бээр. Кышкы үеде Тээли арттынга хадый бээрге, бо мындыг тура дүшпес транспорттуг болуру чугула. Чедери берге черлерде көдээ суурлар школаларынга мындыг деткимчени көргүзүп турары дээш Тываның Чазаанга улуу-биле четтирдивис».

Республиканың аграрлыг лицей-интернады, Бай-Тайга кожууннуң Кызыл-Даг, Тес-Хем кожууннуң О-Шынаа, Чыргалаңды, Самагалдайның 2 дугаар, Кызыл кожууннуң Элегес-Аксы, Баян-Кол, Чөөн-Хемчиктиң Чадаананың 4 дугаар, Чыраа-Бажы, Бажың-Алаак, Каа-Хем кожууннуң Сарыг-Септиң 1 дугаар, Барыын-Хемчик кожууннуң Кызыл-Мажалыктың 2 дугаар, Эрги-Барлыктың, Таңды кожууннуң Балгазын, Өвүр кожууннуң Чаа-Суур биле Саглы, Улуг-Хем кожууннуң Арыг-Үзүү, Хайыракан, Кызыл хоорайның 3, 11, 16 биле 18 дугаар школаларның директорлары чаа автобустарның дүлгүүрлерин алгаш, ажыл-агыйжы оруунче үнүпкен.

/ Тываның Чазааның парлалга албаны.


“Шын” №92 2023 чылдың декабрь 2