Россия Федерациязының Президентизиниң соңгулдаларында Тыва Республиканың Соңгулда комиссиязының “Шалыпкын шугум” дугайында медээ-чарлыг дыңнадыы.
Россия Федерациязының Президентизиниң соңгулдаларын эрттирип турда, соңгулда кампаниязының онзагай талаларының дугайында Тыва Республиканың чурттакчыларын, соңгулда чорудулгазының киржикчилерин долу хемчээлдиг дыңнадыры-биле Тыва Республиканың Соңгулда комиссиязы медеглеп тур.
Россия Федерациязының Президентизиниң соңгулдаларын эрттиреринге белеткелдер үезинде 2023 чылдың декабрь 8-тен тура Тыва Республиканың Соңгулда комиссиязының чанында “Соңгукчулар-биле харылзааның шалыпкын шугумун” организастаан. Ооң телефонунуң дугаары – (394-22) 2-10-09.
“Соңгукчулар-биле харылзааның шалыпкын шугумун” таварыштыр дараазында медээ-дыңнадыгны билип ап болур:
- Россия Федерациязының Президентизиниң соңгулдаларының талазы-биле соңгулда кампаниязы канчаар чоруп турарының дугайында медээ-чарны соңгукчуларга дыңнадып чедирери;
- соңгулда дугайында хоойлужудулганың хажыдыышкыннарының факт-барымдааларының дугайында соңгукчулардан кирген медээ-дыңнадыгларны чыыры болгаш түңнээри;
- Россия Федерациязының Президентизиниң соңгулдаларының медээ-чарлыг хандырылгазын боттандырары-биле девискээр соңгулда комиссияларынга деткимче көргүзери.
“Соңгукчулар-биле харылзааның шалыпкын шугумунуң” ажылдаар чуруму – хүннүң-не понедельниктен пятницага чедир 9.00-тан 18.00 шакка чедир, дыштаныр хүннерде 10.00-дан 18.00 шакка чедир.
“Шын” №94 2023 чылдың декабрь 9