Россияның Социал фондузунуң Тыва Республикада салбыры апрель айда регионнуң 18 муң чурттакчызынга өстүрген (индексация) хемчээлдиг социал пенсияны шилчидер.
Апрель 1-ден тура социал пенсияны болгаш күрүнениң пенсия хандырылгазын 14,75 хуу өстүрген. Индексацияны билдириишкин чокка кылыр. Социал пенсияны азыракчызын чидирген таварылгада, инвалидтерге болгаш камгаладылгалыг пенсияны доктаадыр эргези чок хамаатыларга, Соңгу чүктүң чоннарынга тургузар.
Россияның Социал фондузунуң Тыва Республикада салбырының социал пенсиязы-биле катай күрүнениң пенсия хандырылгазының талазы-биле пенсияларны өстүрер.
- Ада-чурттуң Улуг дайынының киржикчилеринге,
- шериг албан хүлээлгезин кыйгыртыышкын-биле күүсеткен шериг албанныгларга база оларның өг-бүлелериниң күш-ажыл кылып шыдавас кежигүннеринге,
- радиацияның салдарынга таварышкан хамаатыларга база оларның өг-бүлелериниң күш-ажыл кылып шыдавас кежигүннеринге дээш өске-даа.
Ол ышкаш 2025 чылдың апрель 1-ден тура 1-ги бөлүктүң инвалидтеринге азы 80 харлаан хамаатыларның пенсиязынга ажаалдазы дээш немей өстүрген, ооң хемчээли 1927 рубль (Кыдыкы Соңгу чүк районнарынга — 2065 рубль).
Немелде консультацияны 8-800-100-00-01 (долгаары халас) чаңгыс аай харылзаа-төптүң дугаарынче долгааш, билип ап болур.
Россияның Социал фондузунуң Тыва Республикада салбырының специалистериниң хуу консультациязын ажыл хүннеринде 9.00 шактан 17.00 шакка чедир алыр.
Россияның социал фондузунуң ТР-де салбырының медээзинден.
“Шын” №12 2025 чылдың апрель 3