- Европада эң-не бедик бажың Санкт-Петербург хоорайда — 462 метр бедик «Лахта Центр».
- Бистиң эраның мурнунда 1500 чылда тазартыр чүлээн баштыг херээжен эң-не чараш деп санадыр турган.
- Пётр I хаан чүү дээш медаль тыпсып турганыл? 1714 чылда реформатор хаан арагалаашкын-биле демиселди канчаар күштелдирерин бодап алган: амдыгааштан алкоголиктерге медаль тыпсыр, арагалааны дээш. Шойдан кылган ол онзагай «шаңналдың» деңзизи 8 хире килограмм. Ону төөгүде эң-не аар медаль деп санап турар. Ук «шаңналды» полиция участогунга тыпсып турган. «Шаңнал» алыкчызы ону боду адырып шыдавас кылдыр чогаадып кылган. Буруудаан кижи ону эвээш дизе, ийи неделя дургузунда мойнунга сөөртүр турган.
- Теве деп сөс «чараш» деп сөстен укталган. Араб дылда «верблюд» (джа́маль) биле «красота» (джама́ль) деп сөстерниң дазылы чаңгыс.
- Кыс уруглар бүгү чуртталгазының 10 чылын макияж кылырынче чарыгдап турар.
«Шын» №94 2024 чылдың декабрь 7