Делегейде эң-не кырган ыяш 4800 ажыг харлыг. Калифорнияда Мафусаил дээр сураглыг хады чер кырында эң-не улуг назылыг дириг ыяш деп санадып турар.
***
Делегейде эң-не узун куйнуң хемчээли 650 км АКШ-та Мамонтов дээр куй системазы — амга чедир төндүр шинчилеттинмээн будулгактыг чер.
***
Бүшкүк киттер ырлаары-биле сурагжаан. Оларның ол ырылары хөгжүмнүг хиттер ышкаш чылдан чылче өскерлип турар.
***
Кижилер биле жирафтарның моюн сөөгүнүң саны дөмей — чеди. Чүгле жирафтарның моюн сөөгү хөлчок узун.
***
Японияда тоолайлар-биле долган ортулук бар. Окуносиманы ёзулуг-ла дываажаң ораны деп болур. Ол туристерниң эң-не чыглыр чери. Ында муң-муң тоолайлар кудумчуларда, сесерликтерде болгаш пляжтарда хостуг халчып турар.
***
Исландияда ымыраалар чок. Ол ортулук ховар дээн онзагай агаар-бойдустуг болгаш, ымыраа өзүп көвүдээринге таарымчалыг хөөлбектер чок бооп турар.
***
Төөгүде эң-не дааштыг ыыт 1883 чылда Кракатау вулканның аттыгыышкыны болган. Ол даашты 4800 км ыракта безин кижилер дыңнап каан. Чалгыгның күжү муң ажыг километр черге турган кижилерни дүлейлендир шаапкан.
***
Чааннар боттарын көрүнчүкке танып каар бот-медерелдиг дириг амытаннар. Олардан өске ол тестини чүгле дельфиннер, кускуннар болгаш кижи дүрзүлүг сарбашкыннар эртип шыдаар.
Чуруктарны интернет четкизинден хоолгалаан.
“Шын” №38 2025 чылдың октябрь 2