• Делегейде эң-не бедик Эверест даанда (Джомолунгма) 200 ажыг альпинистерниң өлүг мөчүлери чыдар. Ол өлүг мөчүлерни дагже үнерде уг-шиин тыварынга ажыглап турар.
• Миндаль чүге ажыктыг деп?
Бир хүнде чүгле дөрт миндальды чиир болза, холестеринниң деңнелин чавызадырынга дузалаар, баш дүгүнүң шынарын экижидер, чүрек аарыгларын болдурбас, арынның дырышкактарын чидиреринге болгаш артык кил-биле демиселге дузалаар, а кол-ла чүүл – мээниң ажылдаарын экижидер.
Миндаль кальций, железо, магний, фосфор болгаш калийниң үндезини. Ында В (В1, В2, В3, В5, В6, В9) бөлүктүң витаминнери хөй, ол ышкаш токоферол (Е витамин) база бар.
• @ деп демдекти интернетке ажыглаар дээш, чогаатпаан. Ону Ренессанс үелеринде-ле ажыглап турган, ол 12-13 килограммга дең деңзи хемчээлин илередип турган.
• Өдүрек чүге сугга дүшпес деп?
Ол дүжүп болур. Бир эвес өдүректи хеп чуур көвүктүг сугга олуртуптар болза, ооң чүглериниң үзү эзилгеш, чүглери өткеш, ол сугга дүже бээр.
Бир фермага дуржулга чок ажылчыннар хирлени берген куштарны чуур дээш оралдажып турганнар, ооң түңнели билдингир — куштар сугга эштип шыдавастаан.
Оон аңгыда, эмин эрттир дустуг сугларга дыштаныр дээш, хонупкан суг куштары база кырлып болур. Чүге дизе куштуң чүглеринге дустуң кристаликтери чыпшынгаш, ужуп үнүп шыдавайн баар.
• Дагаалар — динозаврларның дорт салгалдары.
«Шын» №74 2023 чылдың сентябрь 30