Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
02 июля, сб

Сөөлгү коңга

21 мая 2022
6

Тоску классчылар байырлаан

Сөөлгү коңга – бирги классчыларга-даа, доозукчуларга-даа өөрүшкүлүг болуушкун. Чамдык чаштарга бо байырлал чайгы дыштанылганың келгенин, а бир чамдык уругларга «улуг» амыдыралче кирериниң медээчизи болур.

2022 чылдың май 18-те республиканың 175 школазынга Сөөлгү коңга байырлалы болган. Ниитизи-биле 5000 ажыг оолдар, уруглар бо удаада чыскаалган.

Чүгле найысылал Кызылдың школаларынга 1981 уруг тоску классты доозар. Сөөлгү коңга байырлалын ооң мурнунда чылдарда 9-ку болгаш 11-ги классчылар кады чыскаалып турган. 9-ку классчыларның Сөөлгү коңга байырлалы ооң мурнунда чылдарга көөрде, эртежик болган. Доозукчуларның шылгалдаларының ай, хүнүнүң бээрлеп келгенин барымдаалааш, Сөөлгү коңга байырлалы чыла берген.

Сөөлгү коңга эрткен соон­да, доозукчулар май 20-де даштыкы дылдар эртеминге күрүне шылгалдазын дужаар. Тоску классчыларның эң-не сөөлгү күрүне шылгалдазы июнь 15-те болур. Ынчан өөреникчилер орус дыл эртеминге билиглерин бадыткаар. Тоску классчыларга июнь 25-те аттестаттарны тыпсыр.

Школа бүрүзүнге 9-ку классчыларның Сөөлгү коңга байырлалынга хүндүлүг аалчылар кээп, башкыларга болгаш доозукчуларга чылыг-чымчак сөстерни чугаалап, йөрээген.

Кызыл хоорайның 3 дугаар школазының хүндүлүг аалчызы хоорайның 1 дугаар поликлиниказының кол эмчизиниң оралакчызы Айдың Серен-оол болган. Ол доозукчуларга шылгалдаларны чедиишкинниг дужаап, быжыг билигниң аттестадын холга алырын база студент чуртталгаже шымнып кириптерлерге чедиишкиннерни, шилип алган мергежилинге төлептиг, республиканың келир үеде хөгжүлдезинге ажык-дузалыг кижилер болурун йөрээген.

«Тува-24» каналдың корреспондентизи Айдана Ховалыг дыңнаары багай уругларның школа-интернадынга аалдап четкеш, 9-ку классчыларга болгаш башкыларга байырын чедирип, оларның өөрүшкүзүн үлешкен.

Республиканың Р.Д. Кенденбиль аттыг уругларның уран чүүл школа-интернадынга база Сөөлгү коңга байырлалы болган. Аңаа ТР-ниң Культура болгаш туризм яамызының специализи Оюма Чажын-оол аалдап четкен.

Сөөлгү коңга байырлалының база бир хүндүлүг аалчыларын утпаза чогуур. Ол дээрге доозукчу оолдар, кыстарның ада-иелери болгай. Чүге дээрге ада-иелерниң киржилгези чокка чаңгыс-даа катап «Сөөлгү коңга» байырлалы болуп көрбээн дээр болза, чазыг болбас. Ажы-төлү школаны доозуп, «улуг» амыдыралче кирерге, ада-иелерге база өөрүшкү болгаш харыысалга-дыр. Республиканың аңгы-аңгы булуңнарында школа бүрүзүнге шак бо байырлыг чыскаалга ада-иелерниң башкыларга өөрүп четтириишкини чылыг-чымчак сөстери болгаш оларга сунган боодал чечектери, суй белектери байырлалды улам чараш аян-шинчи кииргени чугаажок. Эң-не уттундурбас чараш өөрүп четтириишкинниң сөстерин тоску классчылар ада-иелеринге болгаш башкыларынга чугаалаан.

Кайы-даа шагда Сөөлгү коңга байырлалының чаңчылчаан болгаш сагыш-сеткилге дээштиг чараш кезээ – доозукчунуң эктинде коңга чайган бирги классчы. Бо удаада база школачыларывыс ол чараш чаңчылывысты күүсеткен.

Айдың ОНДАР.