Кызыл хоорайның «Спутник» микрорайонунда «Культура» национал төлевилел-биле туттунуп турар 250 олуттуг Культура төвүнүң тудуу адакталып турар.
Найысылалдың чурттакчылары удавас чаа культура оран-савазынче баар аргалыг апаар. Ол улуг-биче чоннуң чыглыр ынак чери болур дээрзи билдингир.
Чаа Төпке Тываның Национал оркестри ажылдаар. Аңаа ук оркестрниң концерттеринден аңгыда, мастер-класстар дээш өске-даа культура болгаш уран чүүл талазы-биле хемчеглерни организастаар.
Амгы үеде Тываның Национал оркестриниң артистери болгаш Культура яамызынга хамааржыр албан черлериниң ажылдакчылары Төптүң ажыдыышкынының концертинге белеткенмишаан, тудуг бригадазынга дузалажып, ук девискээрни боктан аштап-арыглап турар.
Бистиң корр.
«Шын» №73 2023 чылдың сентябрь 27
