Тываның көдээ ажыл-агый техникумунуң студентилери Кызыл кожууннуң часкы хову ажылдарында хаара туттунган. Ол дугайында Тываның Баштыңы Владислав Ховалыг социал четкилерде арынында демдеглээн:
«Тываның көдээ ажыл-агый техникумунуң студентилери Кызыл кожууннуң часкы хову ажылдарынче үнген. Дугурушканывыс езугаар тарылга шөлү база үрезинни Тываның база бир улуг көдээ ажыл-агый бүдүрүкчүзү Александр Желтухин техникумга аңгылаан.
Бүдүрүлге мастерлери студентилерге техниканы хову шөлдеринге-ле айтып берип, улаштыр тарылга ажылдарынче кирип турарлар. Аныяктар ооң мурнунда теория кырында өөренген. Студентилер мал чемин тарып эгелээн. Ооң соонда ону садар аргалыг. Арга-дуржулгазы бар. Техникумда мал чеми белеткээр цехти ажыткан, чурттакчы чонда хереглелдиг.
Техникум — "Профессионалитет" федералдыг төлевилелдиң күүседикчизи, ооң баазазы Балгазында Тываның агробүдүрүлге техникуму болуп, амгы үениң чаа техниказында чер ажылының чурагайлыг аргаларын ажыглавышаан, часкы хову ажылдарынче кирипкен. Федералдыг төлевилелди амыдыралга боттандырарының талазы-биле база бедик мергежилдиг специалистерни белеткээри-биле, республиканың билдингир фермерлери Михаил Санников болгаш Алёна Куулар техникумнуң партнерлары болган».
ТР-ниң Өөредилге яамызының медээлеринден.
«Шын» №37 2024 чылдың май 22
![](https://sun9-4.userapi.com/impg/gtvotHwwh0Ioklu9wgcwlGxQfjLA4MPfc99G6w/tj8mp-EKO0w.jpg?size=807x605&quality=95&sign=5bdb85ab28b44b916aff1df3176a7e76&c_uniq_tag=3RiF-c2PRQLoFCqu0GxNU8T3fa-6fYuM0LRLW2vpfgY&type=album)
![](https://sun9-62.userapi.com/impg/2tQ8A_mJ11zlJTc9md5kcm29GzeT8hL_OLElow/WlX2Q7KlTJw.jpg?size=807x605&quality=95&sign=12914ad6be2f8ae4a4805f64fff58bc9&c_uniq_tag=puxCHEv5Z8myaZv9z2kzvJxosoVmNqhdiq4hT0J0T0c&type=album)
![](https://sun9-70.userapi.com/impg/EbkL8Te9abnIIeO25WrCmv910_idZQ6j2Xbd_A/sJ1y2BRYhK0.jpg?size=807x605&quality=95&sign=cc5429d85c787d899bf5a8b36d83f2a7&c_uniq_tag=iQcf7wyyTLK9GdKVpoF3G2XM970uBou9RHWs9X4ZIHI&type=album)